27-годишник починал пред компјутер - родителите се шокирале кога виделе што има на лицето

Млад човек (27) беше пронајден мртов пред својот компјутер во куќата на неговите родители во Терамо, Италија. Родителите беа шокирани кога го најдоа својот син на стол, со гас-маска на лицето.

Мајката и таткото веднаш повикаа брза помош, но кога лекарите пристигнаа на местото на настанот, не можеа ништо да направат освен да го прогласат за мртов. На телото немаше знаци на насилство.

Според извори од истрагата, младиот човек имал гас-маска на лицето, тип што се користи во градежништвото, кој бил поврзан со цилиндар со гас за ладење. Засега, најверојатната трага е дека станува збор за доброволен чин, можеби резултат на еден од бројните предизвици што кружат на социјалните мрежи и стриминг каналите, но Обвинителството на Терамо нареди дополнителни проверки со цел да се реконструира точниот редослед на настаните.

Покрај маската што била на лицето на младиот човек, запленети се и бројни уреди во неговиот дом, вклучувајќи мобилни телефони и компјутери. Телото, кое се наоѓа во мртовечницата на болницата во Терамо, сега е на располагање на судските власти, кои ќе одлучат дали да наложат обдукција за да ги разјаснат сомнежите во врска со смртта на младиот човек.