Зеленски сам се поправи: Русија не го окупира Бахмут

За разлика од пред неколку часа, сега  Володимир Зеленски, одговарајќи на прашања на новинарите по неговото обраќање во Г7, изјави дека Русија не го окупирала Бахмут.

„Не можам да ги споделам со вас тактичките информации на нашата армија, нашите воини, но можам да кажам дека Русија не може да нѐ окупира или да победи во оваа војна“, одговори тој на прашањето за Бахмут.

„Нашите луѓе сега се на многу важна мисија во Бахмут. Нема да кажам каде точно, но Бахмут денес не е окупиран од руската армија“, додаде тој по средбата со американскиот претседател Џо Бајден.

Претходно, пред состанокот со Бајден, Зеленски на новинарите им изјави дека ништо не останало од Бахмут, што беше протолкувано дека градот паднал под окупација на руските сили.

Путин денеска објави дека Русија ја добила битката за Бахмут и најави награди за ослободителите на градот.