Зеленски ги посети војниците во близина на линијата на фронтот и додели одликувања

Украинскиот претседател Володимир Зеленски го посети регионот Доњецк, во близина на линијата на фронтот во источна Украина, соопшти неговиот кабинет, додека украинската војска спроведува контраофанзива во таа област и на југ.

Зеленски „ги посети единиците на вооружените сили на оперативната и стратешката група во градот Хортиција“, заедно со командантот на украинските копнени сили, Олександр Сирски, и одликуваше некои војници, се наведува во соопштението на украинското претседателство.

– Сакам да ви се заблагодарам, да ве наградам сите. Украина е горда на секој од вас, рече Зеленски.

Од почетокот на јуни Украина спроведува контраофанзива со цел повторно да ги заземе териториите окупирани од Москва на исток и југ.