Во тек е етапната исплата на мартовските пензии, повисоки 8,4 oтсто

Министерството за труд и социјална политика известува дека на 28.3.2023 година (вторник) почнува етапната исплата на пензиите за март, зголемени 8,4 % во согласност со усогласувањето предвидено со новата методологија за раст на пензиите, која следи два индикатора, односно 50 % од порастот на просечната плата и 50 % од порастот на трошоците за живот. Ова усогласување се врши два пати во годината, март и септември, и претставува постојан раст на пензиите.

Подигнувањето на пензиите преку филијалите и експозитурите на банките за пензионерите што не користат картички ќе се реализира во четири групи, според висината на пензијата:

За пензии со висина до 11.000 денари, исплатата да се изврши на 28.3.2023 година (вторник);
За пензии со висина 11.001-14.000 денари, исплатата да се изврши на 29.3.2023 година (среда);
За пензии со висина 14.001-18.000 денари, исплатата да се изврши на 30.3.2023 година (четврток) и
За пензии со висина над 18.001 денар, исплата да се изврши на 31.3.2023 година (петок).

Пензионерите што користат платежна картичка поврзана со сметката на која се префрлува пензијата, со парите може да располагаат од 28 март (вторник). Тие може да ја подигнат пензијата на банкомат, да ги користат средствата за плаќање во трговската мрежа или за електронски плаќања.