Во Берово најстудено, најмногу снег на Попова Шапка
Најстудено утрово е во Берово со измерени - 9 и во Маврови Анови и во Штип со - 7 степени. Во Скопје кај Петровец, во Крива Паланка, во Битола, во Демир Капија и на Попова Шапка се измерени - 6 степени.
Како што информира УХМР, во Тетово, Претор, Прилеп и Крушево утрово се измерени - 5, во Охрид, Виница, Струмица -4, во Скопје, кај Зајчев Рид -3, во Куманово - 1 и нула степени во Гевгелија.
Висината на снежната покривка утрово изнесувала 45 сантиметри во Попова Шапка, 16 во Маврови Анови, два во Крушево и еден сантиметар во Ѓуриште.
Во текот на ноќта времето беше ведро. Дуваше слаб до умерен ветер од променлив правец. Утрово е сончево со мала локална облачност, зголемена облачност има во североисточните делови, а во Демир Капија има појава на слаба магла.
Времето денеска ќе биде сончево со мала до умерена локална облачност, на североистокот значително облачно. Ќе дува умерен, а долж Повардарието засилен ветер од северен правец. Максималната температура ќе достигне од 4 до 12 степени.
Во Скопје сончево со мала до умерена облачност и со умерен до засилен ветер од северен правец. Максималната температура ќе достигне 10 степени.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
