(ВИДЕО) Хаос на автопатот Скопје – Велес – блокирани автомобили со цели семејства, камиони

Големо свлечиште вечерва целосно го затвори автопатот Скопје – Велес. Свлечиштето е пред патарината Сопот.

Десетици автомобили со цели семејства се заглавени. Снаодливи возачи пробуваат по шумски пат преку село Ветерско да излезат од хаосот, но камионите сепак остануваат заглавени.

На терен се и полициски службеници.

На телефонскиот број за итни случаи 112 во ЦУК има дојава за одрон на делницате на автопатот Скопје - Велес,  кај Бензинската „Детоил Ветерско 9“, штотуку информираа од Центарот за управување со кризи за Прес 24.

„Од Секторот за операции и координација во ЦУК се известени Регионалниот ЦУК Велес од каде што има известување дека полицијата е на лице место. Паралелно со оваа активност оперативците ги известуваат надлежните институции за итната ситуација, конкретно Јавното претпријатие за одржување на патиштата и Македонија пат. Во комуникација со раководството на јавните претпријатија, дознаваме дека во моментот две екипи од Скопје и од Велес се упатени на местото на настанот“, изјавија од ЦУК.