(ВИДЕО) Бојкот на Евровизија поради учеството на Израел: Претставничката исвиркана и упатени закани

Израелската претставничка на Евровизија, Јувал Рафаел, беше пречекана од демонстранти и наводни закани со смрт додека шеташе по тиркизниот тепих во Базел, Швајцарија, за време на викендот, поради што израелската телевизија Кан поднесе извештај до локалната полиција. Во недела, на 11 мај, претставници од 37-те земји учеснички на Евровизија 2025 прошетаа по познатиот тиркизен тепих – кој оваа година беше најдолгиот досега, со должина од 1,3 километри.

Дваесет и четиригодишната Рафаел, која го претставува Израел оваа година, беше пречекана со исвиркувања од публиката, а еден човек наводно направил заканувачки гест.

Протестите во Базел се одржуваат во контекст на тековниот конфликт меѓу израелската влада и палестинската група Хамас. Израел се соочува со меѓународни критики за неговите континуирани воени операции во Газа, вклучително и блокадата на хуманитарната помош, што доведе до недостиг на храна и лекови.

Пред почетокот на Евровизија 2025, повеќе од 70 поранешни учесници на Евровизија – вклучувајќи ги и победниците – потпишаа отворено писмо до Европската радиодифузна унија (EBU) барајќи Израел да биде исклучен од натпреварот. Многу фанови, исто така, повикаа на нов бојкот на натпреварот, по минатогодишниот бојкот на 2024 година. Податоците објавени еден ден по финалето покажаа дека Евровизија во Велика Британија ја гледале 25% помалку гледачи таа година отколку во 2023 година.

Јувал Рафаел, која го преживеа нападот на Хамас на фестивалот Нова, треба да настапи во втората полуфинална вечер во четврток. По инцидентот во Базел, случајот е пријавен во локалната полиција, а Рафаел нема да дава интервјуа на акредитирани новинари од безбедносни причини.

@videoreporter_nico Am Sonntag (11.05.2025) protestierten mehrere hundert Demonstranten gegen die Teilnahme Israels beim Eurovision Song Contest in Basel. #esc #eurovisionsongcontest #basel #bale #eurovision #europe #news #aktuellenachrichten #aktuellenews #viral #palästina #palestine #israel #protest #demonstration #fyp #foryoupage #fürdich #fürdichpage #nauornever #police #tiktoknews #switzerland #schweiz ♬ Originalton - videoreporter_nico