Успешно заврши спасувачката акција во с. Леуново - жената евакуирана од викендицата

Успешно завршена спасувачката акција во село Леуново- Мавровско, каде постара жена е евакуирана од викендичка поради тешки временски услови и здравствени проблеми.

Тимот за заштита и спасување од подрачното одделение- Гостивар интервенираше по масовните снежни наноси кои го зафатија пределот, тоталниот недостиг на струја и влошувањето на здравствената состојба на постарата жена.

По напорите на нашиот тим, жената беше безбедно евакуирана и ја доби потребната помош, велат од Дирекцијата за заштита и спасување.