Умре руски генерал кој минатата година командувал во инвазијата на Украина

Руските медиуми јавуваат за смртта на поранешниот командант на Источниот воен округ и поранешен заменик министер за одбрана на Руската Федерација, генерал-полковник Генади Жидко.

Од мај до јули 2022 година, Жидко командуваше со окупациската група на вооружените сили на Руската Федерација во Украина. Руските медиуми пишуваат дека информацијата за смртта на Житко ја соопштил гувернерот на Кабаровск, Михаил Дегтјарев на Телеграм.

Жидко, наводно, починал во Москва по долго боледување.

Во 2016 година Жидко командуваше со силите на руската армија во Сирија. Две години подоцна, тој стана командант на Источниот воен округ на вооружените сили на Руската Федерација. Од ноември 2021 година до јули 2022 година, Жидко беше заменик-министер за одбрана – шеф на главниот воено-политички оддел на руската армија.

На почетокот на јуни 2023 година, беше објавено дека Жидко е назначен за командант на сите руски воени сили во Украина, заменувајќи го генералот Дворников на таа позиција.