Уапсен поранешен американски дипломат и амбасадор кој со децении бил „крт“

Поранешен американски дипломат, кој беше и амбасадор во Боливија, беше обвинет дека со децении работел како „крт“ за кубанската разузнавачка служба, соопшти денеска американското Министерство за правда.

Новонеотпечатените судски документи наведуваат дека Мануел Роча извршува „тајни активности“ за кубанската држава најмалку од 1981 година, се среќава со кубанските разузнавачи и дава лажни информации за неговите патувања и контакти на претставници на американската влада.

Во обвинението поднесено во Сојузниот суд во Мајами, Роча, меѓу другото, беше обвинет и дека е нелегален агент на странска држава.

73-годишниот поранешен дипломат беше во американската служба две децении, делумно на водечки позиции во Боливија, Аргентина и Одделот за американски интереси во Хавана.

Во обвинението се наведуваат неговите незаконски врски со кубанската разузнавачка служба од 1981 година, кога се приклучил на Стејт департментот, додека не ја напуштил американската сојузна влада две децении подоцна.

За ова дозна американското Федерално истражно биро (ФБИ) минатата година и го постави Роча на серија тајни состаноци со некој што се претставувал како кубански разузнавач.

Една таква средба беше во Мајами минатата година кога Роча рече дека разузнавачката служба му дала инструкции да води нормален живот, а на соговорникот му кажал и дека секогаш се плашел дека некој ќе го изневери бидејќи тоа „ќе го загрози сето она што го направивме“, стои во обвинението.