Тројца Палестинци убиени на Западниот Брег, 14-годишник е застрелан во глава
Израелските сили убија три лица, меѓу кои двајца тинејџери, рано утринава на Западниот Брег, јави официјалната палестинска новинска агенција ВАФА.
14-годишник бил застрелан во глава во бегалски камп јужно од Витлеем, а 16-годишник починал откако бил застрелан во градот Тулкарм, објави новинската агенција.
Израелските вооружени сили упаднале и во селото Будрус, западно од Рамала, и го застрелале младиот човек Габриел Авад, додека раниле друг, јави ВАФА.
Во официјалните податоци објавени пред пукањето, палестинското Министерство за здравство соопшти дека 61 лице биле убиени на Западниот Брег од 7 октомври, кога Хамас го нападна Израел.
Вчера низ целата територија се одржаа протести по експлозијата во болницата Ал Ахли во Газа, во која локалните власти соопштија дека загинале 471 лице, иако Израел го оспорува бројот на загинати.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
