Трагедија: Маж загина во пожар во куќа во Желино
Во текот на ноќта, од 23:34 до 02:45 часот, Територијалната противпожарна единица (ТППЕ) Тетово со 11 пожарникари и 4 противпожарни возила интервенирала за гасење на пожар што избувнал во една куќа.
Регионалниот Центар за управување со кризи (ЦУК) Тетово информира за трагичен настан што се случил во село Стримница, општина Желино. Во текот на ноќта, од 23:34 до 02:45 часот, Територијалната противпожарна единица (ТППЕ) Тетово со 11 пожарникари и 4 противпожарни возила интервенирала за гасење на пожар што избувнал во една куќа.
За жал, во 00:19 часот, од Полициската станица Групчин било потврдено дека 90-годишен маж го загубил животот во пожарот.
Тетовските пожарникари го извадиле телото на починатото лице од опожарената куќа.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
