Телефоните ѕвонеле непрекинато: Хаос во Струмица по невремето - помош побарале над 60 граѓани
Над 60 граѓани синоќа пријавиле штети по силното невреме што ја зафати Струмица.
Невремето вчера попладне беше проследено со многу силни, поројни врнежи од дожд кои траеја околу 1 час, а според УХМР наврнале 64 литри на метар квадратен, најмногу на територијата на државата.
Од врнежите поплавени беа улиците во долниот дел од градот и тоа: „Браќа Минкови“, „Ѓорги Василев“, „Иљо Шопов“, „Младинска“, „Климент Охридски“ и „Ката Поцкова“.
Има повеќе од 60 пријави од граѓани до ТППЕ Струмица и на Единствениот број за итни случи 112 во ЦУК за поплавени подруми и приземни простории.
До синоќа беше испумпана водата од околу 50 објекти.
Невреме со интензивен пороен дожд, електрични празнења, засилен ветер и локална појава на град имаше вчера и во Битола, Валандово, Дојран, Богданци, Крива Паланка, Кочани и Штип.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
