Судскиот совет даде поддршка на номинацијата на Мирјана Лазарова Трајковска за судија во Меѓународниот кривичен суд
Судскиот совет даде поддршка на Мирјана Лазарова Трајковска за нејзина номинација како кандидат за судија во Меѓународниот кривичен суд.
Барањето, како што информира Судскиот совет, било разгледано денеска на итна седница.
- Разгледано е Барањето за номинација на кандидат за судија во Меѓународен кривичен суд и дадена е поддршка на номинацијата за Мирјана Лазарова Трајковска, судија на Врховен суд на Република Северна Македонија, се вели во информацијата објавен на веб страницата на Судски совет.
На денешната итна 434-та седница, било расправано по доставени дописи од Врховниот суд на Република Северна Македонија и одлучено е да не се доставуваат списи по предметите до Врховниот суд на Република Северна Македонија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
