Стефковски додели 50.000 денари за лекување на Ана Радевска
Градоначалникот на општина Гази Баба Бобан Стефковски се приклучи на јавниот повик за собирање на финансиски средства за лекување на 16 годишната Ана Радевска која боледува од ретка болест.
Ана е средношколка во СУГС Орце Николов.
Веднаш штом го видов повикот на социјалните мрежи, побарав контакт од семејството со цел да ги известам за мојата одлука да доделиме финансиска помош во висина од 50.000 денари за лекувањето на малата Ана. По разговорот со мајката потребната документација е доставена во општината и се работи на подготовка на Решението за исплаќање на средствата – истакна градоначалникот Стефковски.
Апелираме до граѓаните согласно своите можности да се приклучат на хуманитарната акција и сите заедно да помогнеме за лекувањето на малата Ана.
Ова не е прва хуманитарна активност во која градоначалникот на општина Гази Баба се приклучува со своја поддршка.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
