Средба Ковачевски-Таравари: Обезбедуваме квалитетни услуги за граѓаните секаде
Топло добредојде денеска ми посакаа гостиварци за време на мојата работна посета на нивниот град. Драго ми е што запознав многу пријатни и позитивни луѓе, пишува премиерот Димитар Ковачевски на ФБ.
Тој објави фотографија со Таравари, па откри дека имале кратка средба со градоначалникот.
„На почетокот од работната посета остварив и кратка средба со градоначалникот Арбен Таравари. На средбата разговаравме за важноста на поддршката која што Владата ја дава за стабилизирање на општините за успешно да ги извршуваат законските надлежности и да обезбедат квалитетни услуги за граѓаните.
Не е важно местото на живеење, владата гради објективен, правичен, транспарентен и одржлив систем за финансиско воедначување на општините. Нашата цел е на граѓаните да им обезбедиме квалитетни услуги и пристап до истите без разлика каде живеат“, стои во објавата на премиерот на ФБ.
27.02.2023 - 11:36
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
