Србија ќе ги подготвува скривниците за нуклеарен напад

Претседателот на Србија, Александар Вучиќ испрати алармантна порака вечерва, и кажа дека земјата ќе се подготвува за нуклеарен напад. Тој кажа дека Путин нема да се двоуми да употреби нуклеарно оружје, после последната одлука САД да и дозволи на Украина да употребува нејзини ракети на руска територија.

„Путин нема да се двоуми да употреби нуклеарно оружје. Ние како земја не сме подготвени. Имаме скривници кои во моментов може да соберат само 258 илјади луѓе. Мораме да ги обновуваме, и да дојдеме до 1 милион до 1,5 милиони луѓе да можеме да сместиме. Ние нема да бидеме мета, но ќе бидат мета сите околу нас, и затоа мораме да водиме сметка. Им се извинувам на граѓаните што таа работа навреме не ја направивме, но ќе се занимаваме со тоа што е можно побрзо“, рече српскиот претседател вечерва во обраќање кон граѓаните на Србија.