Сон на секој работник: Заврши тестирањето во Велика Британија за работна недела од четири дена

Конечно е завршено испитувањето за ефикасноста на четиридневната работна недела во Велика Британија. Многу компании учеснички им дозволија на вработените да продолжат да работат помалку, а повеќе од половина ја направија промената трајна.

Помеѓу јуни и декември 2022 година работниците во 61 компанија во Обединетото Кралство работеа 80 отсто од своето нормално работно време за иста плата, додека ветуваа дека ќе завршат 100 отсто од нивната доделена работа.

Најмалку 89 отсто од тие фирми ја задржаа таа политика, а најмалку 51 отсто ја направија четиридневната работна недела постојана до крајот на 2023 година, се наведува во извештајот.

Студијата беше објавена на 21 февруари од Autonomy.

Ефектите од намаленото работно време беа исклучително корисни за персоналот и нивните компании, се вели во извештајот.

На крајот од студијата вработените пријавиле подобро физичко и ментално здравје, подобра рамнотежа помеѓу работата и животот и целокупно задоволство.