Силјановска Давкова: Пендаровски ќе си замине без извештај

„Ние ќе ја направиме горда зашто вие, граѓаните, тоа го заслужувате Малку држави на светот имаат можност да имаат богатство, да имаат крајбрежје, некој објект под заштита на УНЕСКО. Ние сме ја имале таа среќа.

Струга, Охрид и езерото се познати по опасноста да бидат тргнати од заштитата заради феудализмот во Струга. Кога ќе се најдете на црна листа, црнила можете да фрлате низ Струга, тоа е она што ме загрижува“, порача вечерва кандидатката за претседател Гордана Силјановска Давкова.

За Пендаровски кажа дека ќе си заминел без извештај.

„Овој претседател ќе си замине без извештај. Јас уште го имам извештајот од колегата Иванов, но не видов извештај од овој претседател. Одговорен претседател треба да биде постојано со граѓаните, да бара совети, да ги советува, охрабрува. Тогаш ќе ужива почит и неговото име ќе биде врзано со достоинство“, кажа професорката пред граѓаните.