Силен земјотрес во Јапонија, има повредени

Неколку лица се повредени во земјотресот со јачина од 5,2 степени според Рихтеровата скала што рано утринава ја погоди Јапонија, а најмногу се почувствува во Токио, како и во префектурата Чиба.

Земјотресот се случи во 4:16 часот по локално време, а ова е прв пат од март 2012 година префектурата Чиба да биде погодена од земјотрес со јачина поголема од пет степени. Евидентирани се помали штети.

Најмалку четири лица се повредени. Не е издадено предупредување за цунами, јавува агенцијата Кјодо.

Јапонската метеоролошка служба ги советува граѓаните да бидат внимателни.