Се огласија од МВР: Пожарот избувнал на полноќ, увидот е во тек
Во врска со пожарот што избувна на полноќ кај мостот „Беласица“, се огласија и од Министерството за внатрешни работи. Оттаму за „Прес24“ велат дека увидот е во тек, а полициските службеници биле ангажирани уште вчера вечерта околу полноќ за пренасочување на сообраќајот.
„На 11.05.2023 во 23.59 часот пријавено е дека настанал пожар под мостот на ул. Беласица во Скопје. Полициски службеници излегле на местото на настанот, а сообраќајот бил пренасочен. Пожарот е изгаснат од екипи на Бригадата за противпожарна заштита и во тек е увид“, се вели во краткиот одговор на МВР испратен до Прес24.
Повеќе информации се очекуваат по завршување на увидот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
