Се јави наводната љубовница на принцот Вилијам

Роуз Ханбери го прекина молкот поради гласините дека таа и принцот Вилијам се во тајна врска. Мајката на три деца (40), испратила порака преку адвокат бидејќи обожавателите на кралското семејство се загрижени за здравјето на Кејт Мидлтон

Ханбери преку своите адвокати изјави за Business Insider дека гласините дека таа има афера со Вилијам се „целосно лажни“. Гласините за аферата се шират од 2019 година, но тие го достигнаа својот врв кога кралската палата објави дека Кејт (42) ќе отсуствува поради операција на абдоменот во јануари, пренесува Јутарњи лист.

Месеците на отсуство на Кејт Мидлтон од јавниот живот доведоа до бројни шпекулации за нејзиниот брак со принцот Вилијам (41) со кој има три деца.

Стивен Колберт учествуваше во дебатата на The Late Show минатата недела.

„Палатата е потресена од исчезнувањето на Кејт Мидлтон. Сега, детективите шпекулираат дека отсуството на Кејт може да биде поврзано со аферата на нејзиниот сопруг и идниот крал на Англија, Вилијам“, започна тој.

Портпаролот на Кејт изјави за Page Six дека принцезата сè уште закрепнува од „планираната операција на абдоменот“ и дека нема да се врати на своите обврски пред Велигден. Само една недела претходно, принцезата објави изменета фотографија на која е со нејзините три деца во чест на Денот на мајката. Освен разните фотошоп грешки, Кејт на фотографијата не го носеше својот дијамантски веренички прстен.