Руски војници: Командантите не ни дозволуваат да се повлечеме, се закануваат дека ќе не убијат

Членови на новоформираната руска јуришна единица рекле дека нивните команданти распоредиле војници за да ги спречат да се повлечат откако претрпеле огромни загуби во источна Украина и им се заканиле со смрт.

„14 дена бевме под отворен минофрлачки оган и артилерија. Имавме огромни загуби. 34 луѓе беа ранети, а 22 загинаа, вклучувајќи го и нашиот командант“, рече рускиот војник Александар Горин.

Друг војник рекол дека единицата на почетокот имала 161 војник. Тој раскажа како војниците решиле да се вратат во рускиот штаб, но дека претпоставените не им го дозволиле тоа. „Ни поставија војници зад грб и не нè оставија да ја напуштиме нашата позиција. Се закануваат дека ќе не уништат еден по еден и како единица. Сакаат да не погубат бидејќи сме сведоци на целосно несовесно криминално раководство“, додаде тој.

„Нашите команданти се криминална организација. Не можете да го наречете тоа поинаку“, рече друг руски војник, кој се претстави како Сергеј Молданов. Гардијан идентификуваше осум мажи. Кога ги контактирале, тројцата потврдиле дека се припадници на единицата „Бура“.

Мажите, кои побарале да останат анонимни, рекле дека во меѓувреме биле евакуирани од фронтот. Единицата „Бура“ беше формирана од руското Министерство за одбрана во јануари специјално дизајнирана да навлезе во најсложените и најразвиените одбранбени сектори на вооружените сили на Украина“.