Руски медиуми: Пригожин е во Минск, сместен во хотел со три ѕвезди на периферијата на градот
Основачот на приватната воена компанија „Вагнер“ Евгениј Пригожин е виден во Минск, пишува прокремљскиот сајт lenta.ru, повикувајќи се на телеграмскиот канал Бриф.
Забележано е дека Пригожин бил забележан во хотелот Green City со три ѕвезди на периферијата на главниот град на Белорусија.
Во исто време, од самиот хотел не можеле да потврдат дека Пригожин престојувал кај нив, повикувајќи се на доверливоста на информациите за гостите.
Тие исто така појаснија дека немаат луксузни соби, а најскапата опција за сместување е соба која чини 180 белоруски рубљи (околу 65 евра) од ноќ, пренесува Index.hr.
Претходно беше објавено дека центрите за регрутирање на Вагнер во Русија продолжиле да работат.
Дописникот на ТАСС јави дека постерите кои промовираат приклучување кон Вагнер се поставени повторно, откако беа отстранети во саботата за време на бунтот. Во руските опозициски медиуми се појавија информации дека Белорусија почнала да гради кампови за борците на Вагнер.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
