Римац го презема Бугати: Седиштето на новата компанија ќе биде во Хрватска

Компанијата на Мате Римац станува мнозински сопственик на "Bugatti", а компанијата "Rimac Automobili" станува "Rimac Group" поделена на две компании - "Bugatti Rimac" и "Rimac Technology".

Тоа денеска попладне го соопштиле од компанијата "Rimac Automobili". Со тоа се потврдени претпоставките дека Римац ќе ја преземе "Bugatti", славната компанија позната по супер-луксузните автомобили.

Повеќе информации за овој голем настан ќе бидат објавени вечерва во Дубровник. Најавени се говори на Мате Римац, основач и извршен директор на "Rimac Automobili", Оливер Блуме, извршен директор на "Porsche", и Лутц Мешке, заменик претседател и финансиски директор на "Porsche".