Почина легендарниот фудбалер на Манчестер Јунајтед

Денис Лоу, еден од најголемите фудбалери на Манчестер Јунајтед, Манчестер Сити и Шкотска, почина на 84-годишна возраст. Лу беше синоним за фудбалска страст и талент, а низ кариерата остави неизбришлива трага во светот на спортот.

Кариерата ја започна во Хадерсфилд, а потоа играше за Манчестер Сити и Торино, пред да стане ѕвезда во Манчестер Јунајтед. Со „црвените ѓаволи“ ја освои шампионската титула во 1965 година и европскиот куп во 1968 година. Неговата извонредна сезона во 1964 година, исто така, му донесе признание како најдобар фудбалер во Европа, кога гордо ја подигна Златната топка.

Лоу постигна 237 гола на 404 настапи за Манчестер Јунајтед во текот на неговата кариера, што го прави миленик на навивачите и еден од најдобрите стрелци на клубот на сите времиња. Неговата харизма и љубовта кон играта го направија незаборавен херој на една генерација.

Манчестер Јунајтед ја изрази својата тага поради загубата на својата легенда:

- Сите во клубот тагуваат по заминувањето на кралот на Стретфорд Енд. Неговиот голгетерски учинок, талентот и љубовта кон играта засекогаш ќе живеат во срцата на навивачите. „Нашите мисли се со семејството и пријателите на Денис.