Почина бизнисменот од Штип, Ванчо Богдов, кој им ја отстапи фабриката на работниците
На 63-годишна возраст почина штипскиот бизнисмен Ване Богдов.
Богдов кај јавноста беше запаметен како бизнисмен кој на почетокот на минатата година својата конфекција „Вабо“ им ја предаде на управување на вработените.
На работниците им ја даде на користење фабриката со целата опрема во неа, при што, како што тогаш најави, во првата година нема да плаќаат никаков надомест за тоа, а од втората година, само под услов фабриката да работи со добивка, ќе наплаќа минимална кирија.
Неговите сограѓани ќе го паметат како голем хуманист, а на градот под Исарот му ја остави и уникатната црква „Свети Константин и Елена“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
