По долго време се појави Меланија: Со Трамп се гушкаа и бакнуваа

Меланија Трамп се појави на собир на републиканците каде Трамп ја прифати третата претседателска номинација.

Сопругата на Трамп, која во последно време ретко се појавува во јавноста, се појави во црвена комбинација и со него разменуваа прегратки и бакнежи, а се држеа и за рака.

„Длабоко ми е чест што мојата неверојатна сопруга Меланија ми се придружи на ова патување. Ти благодарам Меланија и ти благодарам за твоето прекрасно писмо до Америка во кое повика на национално единство. Допре многумина“, ѝ рекол Трамп на својата сопруга од сцената гледајќи наназад на нејзиното писмо испратено до јавноста по пукањето на Трамп.