Пендаровски го свика Советот за безбедност
Советот за безбедност на Република Северна Македонија денеска во 15:00 часот ќе одржи седница во Кабинетот на претседателот Стево Пендаровски.
На дневен ред на 18-та седница на Советот за безбедност, како што информираат од Кабинетот на шефот на државата, ќе биде безбедносната состојба во Република Северна Македонија и евро-атлантскиот регион.
На седницата, покрај членовите на Советот за безбедност, ќе присуствуваат и директорот на Агенцијата за разузнавање Еролд Муслиу, директорот на Агенцијата за национална безбедност Зарко Милошевски и началникот на Генералштабот на Армијата генерал-потполковник Васко Ѓурчиновски.
По завршувањето на седницата, претседателот Стево Пендаровски ќе даде изјава за јавноста, која ќе биде пренесувана на YouTube и Facebook платформите на претседателот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
