Падна одлука: Цената на тестенините ќе се намали за 15% а на млекото и млечните производи за 10%
Цената на тестенините ќе биде намалена за околу 15%, а млекото и млечните производи за 10% одлучи Владата. Премиерот Димитар Ковачевски на прес-конференција образложи дека сумата се одредува според малопродажната цена на 1 март.
Со одлуката за тестенините се опфатени макароните и шпагетите. За овие продукти се укинуваат и увозните царински давачки од 13 март до 31 мај 2023 година. Одлуката, пак, за млечните производи која ќе биде во сила од 17 март до 31 мај 2023 година се однесува на трајно кравјо млеко со 2,8, 3,2 и 3,5 отсто масленост, урда, кравјо и мешано бело сирење, кравји кашкавал, кисело млеко, павлака и јогурт.
Намалените цени ќе важат од 16 март.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
