Одрон на делниците на автопатот Скопје - Велес: Екипите се упатуваат на местото на настанот
На телефонскиот број за итни случаи 112 во ЦУК има дојава за одрон на делницате на автопатот Скопје - Велес, кај Бензинската „Детоил Ветерско 9“, штотуку информираа од Центарот за управување со кризи за Прес 24.
„Од Секторот за операции и координација во ЦУК се известени Регионалниот ЦУК Велес од каде што има известување дека полицијата е на лице место. Паралелно со оваа активност оперативците ги известуваат надлежните институции за итната ситуација, конкретно Јавното претпријатие за одржување на патиштата и Македонија пат. Во комуникација со раководството на јавните претпријатија, дознаваме дека во моментот две екипи од Скопје и од Велес се упатени на местото на настанот“, изјавија од ЦУК.
Повеќе информации се очекуваат наскоро, по што ќе информираме дополнително во текот на вечерта.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
