Бугарија: По 5.000 евра ќе добијат семејствата на загинатите во поплавите
Семејствата на 13-те загинати лица во поплавите во Варна и Добрич, ќе добијат еднократна парична помош во износ од по 10.000 лева, односно 5.000 евра.
Ова денеска го соопшти бугарскиот заменик-министер за труд и социјална политика Лазар Лазаров, кој информира дека, од Агенцијата за социјална помош ќе им биде исплатен надомест на лицата од поплавените подрачја кои ќе поднесат соодветната барања за отштета.
- До овој момент се поднесени и прифатени 519 барања за отпштета на настраданите од поплавите, нагласи Лазаров, додавајќи дека од нив 226 се од територијата на Варна, 266 од Добрич, 17 од Велико Трново и 10 од територијата на Стара Загора.
Бројот на досега поднесените барања изнесува нешто над 50 проценти од прелиминарните проценки на надлежните служби.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа