ВНИМАВАЈТЕ: Џиновскиот азиски стршлен доаѓа кон Македонија

Џиновскиот азиски стршлен дојде на Балканот. Смртоносниот инсект со портокалова глава кој може да порасне и до 8 сантиметри е забележан во повеќе балкански земји. Не е исклучена можноста климатските промени да го донесат и во Македонија.

-Сегта најновите кажувања се дека го има во Црна Гора, Србија да не збориме за Европа каде во Франција и Шпанија има смртни случаеви дава за право да бидеме правовремено информирани како ние граѓаните така и професионалните групи на луѓе кои се повеќе предиспонирани на ризикот а тоа се пчеларите, вели за Сител проф. д-р Мишо Христовски, од Ветеринарниот факултет.

Опасниот стршлен напаѓа и пчели и луѓе. Го има секаде, најчесто во пчеларници и покрај вода. Не само во самоодбрана овој инсект може да нападне и без причина. Со големото осило прави дупки како од куршум. Убодот е многу поболен од оној на обичниот стршлен, а може да биде и фатален. Во отровот има 8 токични компоненти.

-Инектира големи количини на отрови кои се токсини, делуваат на нервниот систем ... Така што класичните методи за прва помош и антишок терапијата се решение и да не ствараме многу паника, додава проф. д-р Христовски.

Експертите советуваат пчеларите задолжително со себе да носат антишок терапија, а граѓаните кои одат на одмори покрај вода да внимаваат на овие опасни смртоносни инсекти.