Нови цени: Од ноќеска поскап бензин

Бензините поскапуваат за половина денар, цената на дизелот не се менува. Регулаторната комисија за енергетика ги објави новите цени на горивата кои почнуваат да важат од оплноќ.

Малопродажните цени на ЕУРОСУПЕР БС-95 и ЕУРОСУПЕР БС-98 се зголемуваат за половина денар и со тоа  од полноќ цената на ЕУРОСУПЕР БС-95  ќе изнесува 81денар за литар, а цената на ЕУРОСУПЕР БС-98 82,5 денари за литар. Малопродажните цени на  ЕУРОДИЗЕЛ (Д-Е V) и Екстра лесно масло за домаќинство (ЕЛ-1) остануваат исти.  ЕУРОДИЗЕЛ ќе се точи за 68 денари за литар,  а Екстра лесното масло за домаќинство (ЕЛ-1) за 57 денари за литар..

Малопродажната цена на мазутот М-1 НС се зголемува за 0,235 денари по килограм и ќе изнесува  41,871 денари

Со оваа Одлука се врши зголемување на рафинериските и на малопродажните цени на нафтените  деривати во просек за 0.44 %, односно за 0.31 % во однос на рафинериските и на малопродажните цени  на нафтените деривати утврдени согласно Одлуката на Регулаторната комисија за енергетика на  Република Македонија од 2.06.2014 година.

Просечната цена на сурова нафта на светскиот пазар во изминатиот 14-то дневен период  изнесуваше 109,831 $/барел и е за 0,49 % пониска од просечната цена на сурова нафта (110,380 $/барел)  по која беа формирани тековните цени на нафтените деривати.

Курсот на денарот во однос на доларот во изминатиот 14-то дневен период изнесуваше 45,4460 ден/$ и е за 0,86 % повисок од курсот на доларот (45,0569 ден/$) по кој беа формирани цените.