Што ќе се случува денеска во Градскиот парк?

Во Градскиот парк денеска ќе се одржи манифестација „Читањето и математиката се забавни“, со која ќе се одбележи крајот на учебната година за ученици од почетните одделенија во основното образование.

Манифестацијата ќе понуди библиотека на тркала полна со сликовници, книги и ресурси достапни за користење, заедничко читање сликовници и учество во забавни математички игри со актерите Гораст Цветковски и Амернис Нокшиќи, читачко, математичко, лилковно и катче за размена со книги и сликовници....

„Читањето и математиката се забавни“ е дел од проектот на УСАИД „Со читање до лидерство“, што го спроведува Фондацијата за образовни и културни иницијативи „Чекор по чекор“ - Македонија.  Целта е да се подобрат јазичните и математичките вештини кај учениците од почетните одделенија, да се подобрат педагошките вештини на наставниците и да се подигне свеста за важноста на раното описменување кај учениците.