Ѓорче Петров ќе донира 200.000 денари за настраданите од поплавите
Општина Ѓорче Петров од својот буџет ќе издвои 200 илјади денари за санирање на последиците од поплавите во Србија и Босна и Херцеговина. Одлуката е донесена денеска, на вонредна седница на Советот, по предлог на градоначалникот Сокол Митровски.
- На седницата самоиницијативно советниците предложија да издвојат и да уплатат на наменските жиро-сметки на Црвениот крст дел од својот паушал и да дадат свој личен придонес до загрозените семејства од Србија и БиХ, информира општина Ѓорче Петров.
Градоначалникот и Советот одредиле три пункта на територија на општината, во МЗ „Волково“, УЗ „Ѓорче Петров“ и УЗ „Даме Груев“. Граѓаните ќе може да се вклучат со својата хуманост и да донираат од 8 до 19 часот.
Општина Ѓорче Петров вчера донираше прехранбени производи, вода за пиење, средства за хигиена и облека, како помош на загрозеното население.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
