Серија земјотреси го стресоа преспанско-битолскиот регион
Серија од триесеттина слаби земјотреси синоќа и рано утринава го стресоа преспанско-битолскиот регион.
Апаратите на Сеизмолошката опсерваторија при Природно- математичкиот факултет во Скопје, со својата телеметриска мрежа на сеизмолошки станици во Охрид, Битола, Крушево, Штип и Валандово, ноќеска и рано утринава регистрираа серија од триесетина слаби земјотреси.
Епицентрите на земјотресите потекнуваат од преспанско-битолскиот регион.
Еден земјотрес од оваа серија бил почувствуван во 02 часот и 23 минути во Битола, Ресен и околината со интензитет од четири степени според Европската макросеизмичка скала-1998.
ФОТО: Нова Македонија
