Вељановски се сретна со на Ад-хок комисијата за набљудување на изборите

Собранискиот спикер Трајко Вељаноски денеска се сретна со членовите на Делегацијата на Ад-хок комисијата за набљудување на изборите од Парламентарното собрание на Советот на Европа, предводена Штефан Шенах, пратеник од Република Австрија.

Во состав на Делегацијата се и Роберт Валтер од Велика Британија известител на Мониторинг комисијата за Република Македонија, Маргус Хансон, пратеник од Република Естонија и Шабан Дисли, пратеник од Република Турција. На средбата со нив Вељановски  ги информирал за актуелната состојба во однос на распишаните претседателски и предвремени парламентарни избори во Република Македонија, за отпочнување  на изборниот процес со претходно утврдени изборни правила прифатени и од власта и од опозицијата, како особено значајно за успешно реализирање на изборниот процес.

Соговорниците размениле мислење за повеќе прашања, меѓу кои иницијативата и причината за распишување предвремени парламентарни избори, активностите на работната група формирана во месец април, прифатливоста на предвремените парламентарни избори за сите политички партии, застапеноста во изборниот процес и во новиот собраниски состав на припадници од помалите етнички заедници, се наведува во соопштението.