Добри вести за Македонија: Наскоро директен лет Скопје - Рим
Oд 1. мај годинава ќе биде воспоставена нова редовна авиолинија Рим – Скопје - Рим, информираат денеска од Министерството за транспорт и врски. Станува збор за директен лет од аеродромот „Леонардо да Винчи“ во Рим до аеродромот „Александар Велики“ во Скопје, кој ќе сообраќа 7 пати неделно, односно на дневна база преку операторот „Алиталиа“.
„Алиталиа“ е најголемата авиокомпанија во Италија која опслужува повеќе од 98 дестинации во 44 земји, а за летот Рим - Скопје е особено важна поврзаноста на нивниот главен хаб – аеродром „Леонардо да Винчи“ со Северна Америка, односно Канада, особено градовите Њу Јорк и Торонто, каде ќе можат да се трансферираат патниците од и до Скопје.
-Воспоставувањето на новиот лет до Скопје на дневна база е одлука на компанијата по извршената анализа за нови летови во регионот, каде, меѓу останатите земени предвид биле и аеродромите во Приштина и Загреб. За реализацијата на директниот лет Рим - Скопје ќе се користат воздухопловите Airbus 320 и Embraer 175, информираат од Министерството.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
