Карпа се сруши на патот Демир Капија - Удово
Пред околу половина час се одронал поголем дел од карпа на автопатот Демир Капија - Удово, кој зафатил дел од едната коловозна лента.
Раководителот на работната единица на „Македонија пат“ од Неготино, Петар Емшов информира дека екипите се на терен и интензивно работат на отстранување на одронот.
- Од мразот околните карпи на овој патен правец беа стегнати па сега кога огреа сонце дојде до ширење на карпестите делови и нивно одронување. Ние интензивно работиме на нивно отклонување како на овој патен правец, така и на останатите правци од неколкуте општини кои ги покриваме, вели Емшов, пренесува МИА.
Одронот од карпа се наоѓа на 141 километар од Скопје.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
