Деновивее сонце - од недела дожд
Времето денеска во Македонија ќе биде сончево со мала до умерена локална облачност. Ќе дува слаб ветер од југоисточен правец. По одделни котлини ќе биде магливо, особено претпладне, а во текот на денот видливоста постепено ќе се зголемува.
Утринската температура ќе се движи од минус три до три, а дневната од пет до 10 степени.
Во Скопје претпладне ќе биде магливо и тивко, а во текот на денот маглата ќе слабее. Утринската температура ќе се спушти до нула, а дневната ќе се искачи до осум степени. И во наредните денови по котлините ќе има појава на магла и ниска облачност.
Промена на времето се очекува во недела кога ќе дува умерен југоисточен ветер и ќе има локални врнежи од дожд. Температурата на воздухот во недела ќе се движи од четири до 12 степени.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
