Македонија старее - белата чума зазема се поголем замав

Дека Македонија има сериозен проблем со падот на наталитетот покажуваат и официјалните податоци на Државниот завод за статистика кои говори за сериозен удар на белата чума особено во деловите на Пелагонија, Источниот и Вардарскиот регион.

Податоците говорат дека ако во 94-та година се родиле 31,421 бебе, лани овој број е сведен на само 23.569 бебиња. Ова не е проблем само со Македонија. Имено старее цела Европа! Голем број на аналитичари сметаат дека овој проблем е само еден вид на модерниот стил на живеење кај младите, кој не овозможува ниту проста демографска репродукција.

Над 70% од брачните парови во Европа имаат по едно или две деца, а статистиката покажува дека за да наталитетот остане во позитива потребни се 2,5 деца од еден брак.

Пензионерите во Македонија сочинуваат една третина од македонското население, односно секој трет во Македонија е пензионер. Бројката на истите се зголемува, а активното население се намалува, па сега во просек по 1,7вработени издржуваат еден пензионер.