Проверете дали добивте стипендија од МОН
Министерството за образование и наука објави резултати од Конкурсот за доделување стипендии за студии од втор циклус во земјава за академската 2023/2024 година, објавен во декември минатата година.
На веб-страницата на МОН се достапни листите со прифатени кандидати што ги исполнуваат условите во областа на општествените науки и во областа на техничко-технолошките и природно-математичките науки.
-Сите кандидати ќе добијат решение, а одбиените ќе имаат можност за поднесување жалба од денот на добивање на решението од страна на Министерството за образование и наука во кое ќе биде наведена причината поради која апликацијата не е прифатена. Кандидатите кои се прифатени дополнително ќе бидат известени за потпишување договор, објави МОН.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
