Запленети пиротехнички средства во Гостиварско, уапсени три лица

Полициски службеници на Секторот за внатрешни работи Тетово – Полициско одделение Галате, вчера, во три трговски објекти во гостиварските села Неготино и Добридол пронашле и одзеле вкупно 6.964 разновидни пиротехнички средства, најмногу петарди, и лишиле од слобода три лица.

Во периодот од 16.50 до 19.10 часот ги лишиле од слобода И. Д. (61) со одземени 3.826 и Х. Ј. (49) со одземени 2.895 пиротехнички средства, двајцата од Неготино, и го привеле Г. Р. (60) од Добридол со одземени 243 пиротехнички средства.

Пронајдените пиротехнички средства се фотодокументирани и по целосно документирање на случајот, против трите лица ќе следуваат соодветни поднесоци.