Шефовите на ЦИА и Мосад во Катар разговараат за продолжување на прекинот на огнот и ново ослободување на заложниците

Шефот на израелската разузнавачка агенција Мосад, Дејвид Барнеа, и директорот на ЦИА, Вилијам Барнс се во Катар за да разговараат за продолжување на примирјето меѓу Израел и Хамас и ослободување на повеќе заложници, соопштија официјални лица.

Дипломатот, кој сакаше да остане анонимен, ги потврди извештаите дека Барнс и Барнеа биле во Катар во вторникот, објави АП.

Официјални лица од Египет, кои служеа како посредници во преговорите заедно со Катар, се приклучија на разговорите, велат тие.

Состанокот требаше да „продолжи за да се договори продолжена хуманитарна пауза и да започнат понатамошни дискусии за следната фаза од потенцијалниот договор“, изјави изворот за Ројтерс. Исходот од разговорот бил нејасен, додаваат тие.