Толку беше: Од утре заладување и дожд

Утре, ќе преовладува облачно и посвежо време, а почнувајќи од северните и северозападните делови, ќе има повремени врнежи од дожд, кои во текот на денот ќе се прошират насекаде.

Врнежите локално ќе бидат поројни и проследени со ретки грмежи, а наместа ќе наврнат и над 20 литри на квадратен метар, јавува УХМР.

Преодно стабилизирање на времето ќе има в четврток.

Од петок попладне под влијание на нов влажен и постуден бран времето ќе биде променливо облачно со повремени врнежи од дожд, а на повисоките планини врнежите повремено ќе преминуваат во снег. В петок и в сабота ќе дува засилен ветер од јужен и југозападен правец.

Во Скопје утре времето ќе биде облачно и посвежо со врнежи од дожд, повремено пообилни.

Од петок попладне ќе преовладува променливо облачно и свежо време со повремени врнежи од дожд со променлив интензитет и со засилен јужен ветер.