Роднини се удавија во буре со вино во Шпанија
Двајца мажи се удавија во буре вино во винарија каде што работеле во северна Шпанија.
Локалните медиуми јавуваат дека Герадо Хубеира (60) се лизнал и паднал во буре со вино додека ја проверувал ферментацијата во семејната винарија во неделата.
На помош му дошол неговиот зет Феликс Креспо (61), чие семејство е сопственик на винаријата. И двајцата починале, откако претходно беа заплиснати од силните испарувања од бурето.
Во блиската болница е хоспитализиран 31-годишен неименуван маж, кој проголтал од отровните испарувања.
Локалниот градоначалник рече дека сите ќе се обидат да му помогнат на членот на семејството и дека заедницата е шокирана од смртта на две познати лица.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
