Валас, министерот за одбрана на Британија поднесе оставка: Неодамна го критикуваше Зеленски

Бен Валас ја потврди својата оставка како министер за одбрана на Обединетото Кралство по четири години на функцијата, велејќи дека Министерството за одбрана „се враќа на пат повторно да биде светска класа“.

Овој потег најверојатно ќе доведе до мини реконструкција со министерот за економија Џон Глен и поранешниот министер за одбрана Лиам Фокс како фаворити за негово наследство.

Валас одигра клучна улога во одговорот на руската инвазија на Украина и беше близок сојузник на поранешниот премиер Борис Џонсон, но ја објави својата оставка за „Сандеј Тајмс“ во јули.

Медиумите потсетуваат дека Валас неодамна го критикуваше украинскиот претседател Володимир Зеленски, велејќи му дека треба да им укаже благодарност на западните сојузници затоа што тие не се курирска служба на „Амазон“ за пакети со помош.