Сними спот на 12 години, а лани ја воодушеви јавноста: Фросина беше чиста душа

Фросина Кулакова, 22-годишна млада дизајнерка од Неготино, е девојката која синоќа беше прегазена на булеварот „Партизанска“. Ја удри автомобил управуван од 20-годишно момче, а од здобиените повреди веднаш починала.

„Чиста, невина душа пред која беше целиот живот. Таа имаше уште многу да ѝ даде на заедницата, да му даде на светот. Пред само седум месеци ја воодушеви јавноста со нејзините модели на годишната ревија на Интернационалниот институт за мода „Изет Цури“ каде студираше. Нашите мисли се со нејзиното семејство, никој, никогаш да не доживее ваква болка“, раскажуваат тие за „Фокус“.

Јавноста се сеќава на неа и кога пред 12 години, како десетгодишно девојче, се појави во видеозаписот за песната ,,Божиќ за секој од нас”, заедно со нејзината сестра Росица која, пак, со Димитар ја претставуваше Македонија на детскиот „Евросонг“ во 2007 година.