Аеродромот во Катанија отворен по ерупцијата на вулканот Етна

Аеродромот во Катанија, вториот по големина град на Сицилија, почна со работа утрово, откако вчера беше затворен поради ерупцијата на вулканот Етна.

Компанијата која управува објави дека аеродромот е повторно отворен во шест часот утринава и им препорача на патниците да се распрашаат за нивните летови кај авиокомпаниите, пренесува Анса.

На аеродромот во Катанија вчера беа откажани или пренасочени сите летови.